حكايات

موضوع: حكايات الإثنين يوليو 12, 2010 3:53 am

القصة الاولي
بابااا
* همممم؟؟
*بااابااااااااااا..
* أيوه يا حيوان عايز ايه صحيتنى من النوم

* انا نازل
* متتنيل و أنا مالى
* عايز فلوس
* هو أنا قاعد على بنك الله يخربيتك على بيت خلفتك السوده
* جزاكم الله خير يا حاج ! الشتيمة بتلف و ترجع لصاحبها
* نعم يا روح امك ؟؟؟؟؟
* ولا حاجة بكح
* عايز كام
* عايز 50 جنيه بس
* نعم ؟؟ و عايزهم ليه دول ؟؟
* أصلى عازم صحابى عالعشا ! و كمان علشان البتاع اللى قلتلك عليه .
* الله يخرب بيت اليوم اللى جبتك فيه .. جتها نيله اللى عايزة خلف..

و لكن فى النهاية أخذت الـ 50 جنيه و رجعت الساعة 3 بالليل و كان فايقلى و مجهز أدوات الإستجواب .. و بدأ الطقوس المعتادة معى من شم الفم و الأصابع الى تفتيش الالمحافظ و لكنه لم يجد اى شئ لحسن الحظ و لم تصل الأمور الى حد تفتيش ملابسى الداخلية حيث كنت اخفى السيجارتين فعلا !!!!

أتذكر تلك الذكريات الحبيبة و أحلم بها ليل و نهار خصوصا بعد ما تزوجت و أنجبت ولد .. و كبر ابنى و صار شابا يافعا يستحق الضرب بالبرطوشة كما كان ابى يقول ! و شعرت بمن يقلق منامى و كأن دبانه تون حولى .. و إستيقظت من قيلولتى لأجد الحيوان إبنى واقفا يقول : أنا نازل !!|lool||lool|

القصة التانيه
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!!
الزوج: فيه ايه يا بنت الحلال؟ ليه كدا؟؟؟

الزوجه: ايه الورقه اللي في جيب بدلتك ومكتوب عليها "سوسو"؟؟
الزوج: يا بنت الحلال، ده أسم الحصان اللى بنشجعه في السباق!
الزوجه صدقته وراحت لحالها...
بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !!
الزوج: خير يابنت الحلال في ايه تاني؟؟
الزوجه: حصانك على التليفون ..!! |lool||lool|

القصة التالته

مرة راجل قاعد مع واحد فسأله : شغلتك إيه ؟
فقال له: حانوتى فقال الأول:فكرتنى بالمرحومة مراتى

فردالحانوتى: و ماتت ازاى

فقال الرجل: أبدا كنا بنهزر فى

لشقة فى الدور العشرين زقيتها وقعت فقال الحانوتى: ماتت قتيلة يعنى. فقال الرجل: لا, مهى وقعت على التندة اللى تحتينا فطارت ووقعت فى حمام سباحة

الفيلا إللى جنبنا

فقال الحانوتى: ماتت غريـــــــقة يعنى

فقال الرجل: لا

مهى إتنطتت على المنط بتاع الحمام و طارت على سلك الكهرباء العمومى على الأعمدة

فقال الحانوتى:ماتت متكهربة ؟

فقال الرجل: لا، مهو السلك كان جامد فطارت رجعلتى تانى فوق فى الشقة

فقال الحانوتى: أمال ماتت ازاى بقى ؟ فقال الرجل :زهقت بقى خنقتها|lool||lool|

القصة الرابعة

ابو لمعة : شوف يا خواجة، وانا فى آخر رحلة

لى فى الاسكيمو، كنت لابس الجلابية الدبلان المخططة بتاعة اخويا شلبى، ومقيل تحت شجرة جيلاتى! بينى وبينك انا نمت وانا فاتح بقى علشان اول ما حتة جيلاتى تستوى، تقع فى بقى على طول، بس لجل البخت الاسود، تعبان شاف بقى مفتوح افتكره جحر راح داخل فيه.
الخواجة بيجو: دا اكيد تعبان صغير بقى اللى عرف يدخل فى بقك ده؟
ابو لمعة : صغير مين يا خواجة، ده طوله 700 متر!
الخواجة بيجو : يا سلام، دخل التعبان اللى طوله 700 متر فى بقك وانت نايم من غير ما تحس ولا تصحى؟
ابو لمعة: لأ ما انا صحيت فى نصه كده، لقيت ده داخل فى بطنى قعدت اشد فيه وهو يتزفلط اشد فيه وهو يتزفلط، لحد ما دخل كله جوه بطنى!
الخواجة بيجو : يا خبر ابيض، وعرفق تطلعه؟
ابو لمعة : ابدا وحياتك، عملت البدع علشان اطلعه ما فيش فايدة، آخر ما غلبت رحت قالع ونازل له! الخواجة بيجو : نازل له فين؟ ابو لمعة : فى بطنى! وهو شافنى نازل راحد واخد ديله فى سنانه وطالع يجرى، وانا وراه، يدخل يمين ادخل وراه، يدخل شمال برضه وراه، لحد ما وصل بيت الكلاوى، راح داخل البيت وقفل الباب على نفسه!
الخواجة بيجو : طبعا ماعرفتش تدخل وراه ورحت مروح.
ابو لمعة : لأ، اروح ازاى، انت عارف تحت بيت الكلاوى فاتح واحد حلاق، قلت اخش اخد دقنى واستنى التعبان لما يخرج، نص ساعة كده ولقيته مطلع راسه من الباب، بص يمين بص شمال ماشافنيش راح متسحب خارج، رحت خاطف الموس من ايد الحلاق وهاجم على التعبان، شوف يا خواجة، هى ضربة واحدة بالموس قسمته نصين! الخواجة بيجو : بضربة واحدة قسمت التعبان الـ700 متر؟ ابو لمعة : بالطول .

|lool|النهاية|loo

موضوع: رد: حكايات الإثنين يوليو 12, 2010 9:17 am

جميله ياسوسو

موضوع: رد: حكايات الإثنين يوليو 12, 2010 5:17 pm

هههههههههههههههههههههههههههههههه

تسلم ايدك

موضوع: رد: حكايات الإثنين يوليو 12, 2010 6:15 pm

ههههههههههههههههههه جميلة والله يا سوسو تسلم ايديكي
عجبتني اوي القصة التالتة
تقبلي مروري
تحياتي حكايات 57118

موضوع: رد: حكايات الإثنين يوليو 12, 2010 11:28 pm

ههههههههه جامدين تسلم ايدك يا سوسو

موضوع: رد: حكايات الثلاثاء يوليو 13, 2010 7:20 am

تسلم يدك يا سوسو

موضوع: رد: حكايات الأربعاء يوليو 14, 2010 9:55 am

هههههههههههههههههههههههههههههههههههه جامديين يا سوسو