مارايكم بالرجل الذي يبكي من اجل المراه التي يحبها ؟؟؟؟؟

حبيت أن اطرح سؤال؟؟

مارأيكم بالرجل الذي يبكى من أجل إمرأة؟

الحب عاطفـــــــه جميله تجمع روحيـــــــــن وقلبين
تتجسد فيها معانى التضحـــــــيه والثقه المتبادلــــه

بين الشخصين.....

ولكــــــن .؟؟؟

اختلف الحب في هذا الزمن....
واصبح عمله نــــــــــــادره....سؤالــ ـــــي للجميــــع؟؟؟

مارايكم في الرجل الذي يبكى من اجل المرأة والحــــب؟؟

هل هو عيــــــب؟؟؟

ام قمه الرجولـــــــــه؟؟؟

أرجوا الصراحة بالرد من الطرفين

هقول ايه غير انه راجل رومانسي وحساس بس يعني نادرا ان فيه راجل بيعيط ومش في كل المواقف

ماعتقدش العياط ع الحبيب او الحبيبة عيب بس الكلام ده بيحصل ف الافلام بس ده مايمنعش ان فى طبعا حقيقى لان الافلام بتبقى تجسيد للواقع
و على فكرة ممكن الواحد يعيط عادى بس ايه لما يكون بيحبها بمعنى الكلمة

صح يامصطفى دا يبقى رومانسي اخر حاجه

ويابخت اللي يحصل معاها كده

منور

لا طبعا مش عيب خالص

انا بحس انها رجوله جدا

نورت التوبيك ياعمر

لأ يا أميرة هية مش حكاية رجولة أو مش رجولة هوة لو معيطش يبقى مش راجل يعني لأ بس الراجل اللي بيعيط عشان حبيبته ده ممكن يكون رومانسي وحساس ولطيف وكل حاجة بس الكلام ده كله لو اللي بيعيط عشانها دي تستحق انما لو واحدة متستحقش ومش فارقة معاها متستاهلش دمعة واحدة منه

لا انا مش قصدي كده

انا بس الراجل اللي ممكن يعيط علشان حببته انا بحترمه جدا

وهو صح بيكون لطيف وكل حاجه واكيد لازم هيا تكون تستحق بس الكلام دا مش للراجل بس للراجل والبنت المفروض الاتنين مش يعيطوا علشان حببهم الا لما يكون يستاهل

انا بس حبيت اعرف رايكم في الراجل اللي يعيط علشان حببته لان في ناس بتقول ان دا كده مش يعتبر راجل

نورت يامصطفى الموضوع

ما أنا قصدي كدة يا ألاء زي ما انتي بتقولي كلامك صح المهم ان اللي بينهم يكون حب بجد مش هزار ولا لعبة

لا طبعا مهما كان بيحبها مينفعش يعيط علشانها
دى تبقى مش رجوله ان راجل يعيط علشان واحده ست سبته او غيره
انا بقول من وجهة نظرى انها تبقى عيب فى حق الراجل

وعلى العموم ادينى بعيط اه
مارايكم بالرجل الذي يبكي من اجل المراه التي يحبها ؟؟؟؟؟ 590362

مارايكم بالرجل الذي يبكي من اجل المراه التي يحبها ؟؟؟؟؟ 590362

لا انا مختلف معاك يا عبدو
المفروض فعلا لو في حب حقيقي بينهم وحصل اي خلافات
مش عيب ان الراجل يعيط على حبيبته او العكس

بس مهم يكون في حب فعلا

الاول الموضوع ده جاااااااامد

معلش يا جماعه انا ليا رأى مخالف ليكوا

بكاء المرأه يدل على رقتها ورقه احساسها بينما بكاء الرجل يدل على ضعفه
دايما تلاقى الرجل فى اصعب ظروفه متماسك وصلب مش بيعيط

لا يا درش انا بقى بختلف معاك

عنترة يا عم سيد الرجالة ياما عيط على عبلة

وعنترة ليه وسيد الخلق سيدنا محمد عليه الصلاة والسلام بكى لما مات ابنه ابراهيم وعمه حمزة
في مواقف مينفعش الواحد ميبكيش فيها بس فيه فرق بين اللي بيعيط بدموعه وده بيبقى حاجة غير ارادية واللي بيقعد يصوت زي الحريم

الراجل اللي ميعيطش في المواقف الصعبة ده ميبقاش راجل ده يبقى حيوان معندوش مشاعر وحيوان ليه دي حتى الحيوانات سمعت انها بتبكي هو اصلا ميبقاش كائن حي

دي وجهة نظري يا درش ومتزعلش بس انا دايما بحب اجيب ادلة وجبت

شكرا ليكم كلكم على الردود

نورتوا بجد التوبيك

انا بقى باختلف معاك يادرش فى حاجات الواحد ميأدرش ميعيطش فيها زى الموت وكده

لكن لما تقول على اللى مبيعيطش ده حيوان ده غلط
انا مش هارغى كتيييييييييير بس هاضرب مثال واحد بس اطفال فلسطين احنا عمرنا منشفهم بيعيطوا
ودول الاطفال ليك بقى انت تتخيل الرجاله عاملين ازاى

ومتهيألى مصيبه فلسطين متتقرنش بواحد بيبكى عشان واحده وتقولى دى الرومانسيه دى نهايه الرجوله

اتمنى ان كلامى ميزعلش حد منى 111

لأ مزعلش حد ولا حاجة يا محب بالعكس دي وجهة نظرك بس أنا طبعا مختلف معاك ازاي يعني عمرنا ما شفنا أطفال فلسطين بيعيطوا مين قال كدة وبعدين بالنسبة لموضوع ان واحد يبقى حيوان عشان معيطش في موقف صعب دي غلط من رأيي ان دي بتبقى حاجة في شخصية كل واحد ربنا خلقه كدة يا أخي واحد حساس وبيعيط على اتفه الحاجات وواحد قاسي مش بيهمه حاجة وده مش بمزاجه هوة مولود طبيعته كدة بس.

معلش طولت عليكم بس حبيت أوضح وجهة نظري والاختلاف في الرأي لا يفسد من الود قضية

اي الهيخلي الراجل في موقف زي ده ان هي عملت حاجه زعلتو ومدام هي زعلتو يقى مش تستاهل ان هو يعيط عليها

والعكس

موضوع على صفيح ساخن يا ألاء مارايكم بالرجل الذي يبكي من اجل المراه التي يحبها ؟؟؟؟؟ 327471

وانا شايف ان بكاء الرجل على المرأة حاجة طبيعية جداً أدام في حب بينهم
مارايكم بالرجل الذي يبكي من اجل المراه التي يحبها ؟؟؟؟؟ 565517

لك كل الحب والتقدير
تحياتي مارايكم بالرجل الذي يبكي من اجل المراه التي يحبها ؟؟؟؟؟ 57118

Mostafa Mo7eb كتب:: الاول الموضوع ده جاااااااامد

معلش يا جماعه انا ليا رأى مخالف ليكوا

بكاء المرأه يدل على رقتها ورقه احساسها بينما بكاء الرجل يدل على ضعفه
دايما تلاقى الرجل فى اصعب ظروفه متماسك وصلب مش بيعيط

أنا حبيت أوريك اللي انت كاتبه بس انت قايل ان الراجل مش بيعيط في اصعب المواقف مهما يحصل المفروض انه ميعيطش وبعدين جيت تقول ان الواحد ميقدرش يمسك نفسه في حاجة زي الموت وقلت كمان ان بكاء الرجل يدل على ضعفه وبعدين مش بالفطرة يا مصطفى يا قنديل لان البيئة هي اللي بتأثر وبطريقة التربية والدليل على كده شوف واحد انت كنت تعرفه هتلاقيه عادي كان بيعيط وكده ولكن بص بقى لو دخل كلية عسكرية هيتعلم فيها ازاي ميعيطش وده طبيعي لانه كرجل عسكري لازم يبقى ماسك نفسه

انا اعتقد انك يا محب مجربتش تحب حب حقيقي عشان كده بتقول ان البكاء غلط وضعف شخصية ولكن لما تجرب هتلاقي نفسك بتعيط لوحدك ومن غير اي حاجة بس مش كل حاجة برضه الواحد بيعيط عليها يعني الحمد لله انا لو هعيط همسك نفسي ادام كل الناس وهعيط بيني وبين نفسي

ووجهة نظرك بحترمها طبعا

انا ما اعتقدش ان ممكن راجل
يعيط عشان واحد سابته ده يبقى اسمه هبل
واللي يعمل كده يبقى يشرب بريل

انا شايف ان لوفى حب بينهوم بجد يستحق ان الواحد عيعيط على فراقهم لو كان عنده احساس
وممكن ميعيطش لو كا مبيفرقش معاه حاجه
بس انا اطحتيط فى الموقف ده وعيط

بس ده موضوع جااااااامد اوووووووى وشكراا ليكى

لا يامحمد يااشرف هو مش بيعيط علشان كده هو بيعيط علشان كان بجد بيحبها وممكن يكون علشان زعلان على نفسه انه اداها حب هيا ماتستهلوش

لكن عمر مالعياط كان هبل ولا الكلام دا خالص

لا يامصطفى يامحب هو فعلا يبقى حيوان لانه مش عنده احساس وكل بنى ادم اعتقد انهم مولدين بيحسه مافيش حاجه اسمها واحد مولود مش بيفرق معاه وانا اعتقد انك لو اتحطيت في موقف زي دا اكيد هتعيط حتى لو بينك وبين نفسك وعلى فكره اكتر حاجه ممكن تريح الانسان هيا العياط بس ميكنش اوفر اوي

ميرسي ليك يامحمد على الرد

صح يا احمد هو فعلا الواحد عمره مابيحس بالموقف الا لما يتتحط فيه
مشكور على الرد

الصراحه يامصطفى انا مش لاقيه كلام اقوله

مافيش كلام بعد كلامك

منور الموضوع

انا من رائى انها ولا فيها اى حاجه ان الواحد يعيط على اغلى انسانه فى حياته وكمان ويندم انها ضاعت من بين ايده ويحاول يرجعها بس للاسف فى ناس خساره ان الانسان يبفكر حتى انه يعيط او يزعل لو لحظه واحده عشان راحوا بس هما ممكن يتنسوا وبس
هو دا رائى بس انا بكرر انا الانسان مش عيب بالمره انه يعيط على انسان غالى عليه ومش شرط حبيبه بس

هههههههههههه ده أكيد ردك انت يا عم عمور شكلك مجرب كتير ههههه lol!

وانت بتتضجك على ايه بس عشان اكون عارف

مش على حاجة مجرد ضحك انت زعلت ولا ايه

بس يا عم ده عمرو رومانسي اوووووووووووي انت مش عارف حاجة انا اعرفه من أيام ..................

طبعا انا مش هقول حاجة

وانتي اللي منورة الموضوع يا الاء
ده انتي حتى اللي عاملة فكرة السؤال الجميلة

ههههههههههه من أيام ايه يعني من أيام الجيزة

لا يا عم من ايام واحدة كده بس يلا بلاش تصييح

خلاص بقى انت هتصيح ما أنا عارف اللي فيها

انا مع مصطفى محب
ان الراجل يعيط ده ضعف منه و الدليل ع كده ان التهافت والضعف فى حب المحبوبة كان سمة من سمات الفروسية ف العصور القديمة
و شايف ان ف زمنا الاغبر ده الراجل اللى يعيط عشان ست
تبقى حاجة من اتنين
يا اما الست لا يوجد لها مثيل بالعالم
او الراجل ده راجل قط مش نص كوم

تحياتى للجميع و مشكورة ع الموضوع

لا والله وكل دا وانتوا لسه مش صيحتوا شكرا يا رجاله دا انتوا احسن ناس تحفظ
السر

ازاي سمه من سمات الفروسيه وازاي رجل كط

طيب ماهو ممكن المراه دي تبقى في نظره مالهاش مثيل وهيا احسن واحده في الدنيا علشان كده بيعيط

ميرسي اوي على ردك

ههههههه سر ايه يا ابني هوة حد قال حاجة انت في ايه مالك قالب كدة

وانا قلت حاجه يا عم فى ايه بس انا بقلكم انتوا احسن ناس تحفظ السر صح ولا انا بتكلم غلط
عادى يا جدعان انا مش زعلان بس بردوا مش عيب ان الانسان يعيط عشان حد غالى عليه

انا راي يالولو ان مافيهاش حاجه ان الواحد يعيط على حبيبته دا عره مايبقى ضعف ولا يبقى راجل كط ابدا بالعكس دا يبقى رومانسي جدا ويبقى حساس اوي

موضوع حلو اوي يالولو

تقبلي مروري
هدوله

يا جماعه انتوا مختلفين كده ليه ..... انا رايي في فرق بين الدموع والبكاء ....... البكاء ممكن يحصل لاي حد لما يحصل مصيبه مثلاً كموت اغلي الناس عنده ايا كان الشخص اللي مات والدته والده اخوه صديقه زوجته حبيبته ..... وهكذا ....... لكن الدموع دي بتختلف من شخص لاخر حسب طباعه وقوة تحمله وحسب ما ربنا خالق شخصيته .... يعني ممكن تلاقي واحد دموعه تنزل في موقف صعب ايا كان الموقف . وتلاقي حد تاني ممكن يتحمل الموقف .... وكله حسب شخصية الانسان وزي ما خالقه ربنا ..... لكن انا اظن ان كل ما يكون الراجل عنده قدرة على كتمان دموع الحزن داخله كلما كبر في نظر المرأه . .... و حسب شخصية الانسان والظروف اللي عاش فيها وتربيته وكده بيظهر تعامله مع المواقف ... وربنا خلق كل واحد وشخصيته وظروفه ... وزي ما ده بيقدر يكتم دموعه التاني صعب انه يقدر يكتم دموعه .... وبصراحه انا ممكن ابكي علشان حد غالي عندي مات او كده ..... لكن مستحيل حتى اني ادمع علشان اتصدمت في حد او حد عايش فكر يفارقني او حتى حلم ضاع مني ومؤمن بالقدر والنصيب .... وبحس ان اللي ممكن يعيط علشان حد اتصدم فيه او عايز يفارقه ( انه عيل سيس ) ههههههههههههههههههههههههه تقبلوا مروري ......... islam mohamed kamel

انا من راي ان مافيش فرق بين الدموع والبكاء هما الاتنين حاجه واحده اما بقى بالنسبه ل ان الرجل كل ماكتم دموعه يكبر في نظر المراه طبعا دا كلام مش صحيح خالص خالص انا الراجل اللي يكتم دموعه دا راجل معلش يعني مش بيحس

على العموم اختلاف الراي لا يفسد للود قضيه

ميرسي ليك على الرد

sa3at btb2a regola w sa3at btb2a da3f bs ela3'lab da3f

لالالالالالا الاغلب رجوله يانينو

» متي يسقط الرجل او المراه من نظرك ؟؟؟؟؟؟؟؟؟؟
» ليس الحب هو الذي يعذبنا ، ولكن من نحـــــــــــــب
» ليس الحب هو الذي يعذبنا ، ولكن من نحـــــــــــــب
» إجابة امرأة عجوز عن السؤال الذي وجه لها (ماهو الحب؟؟)