الحب مره ولا اتنين؟؟؟

سؤال
بجد محيرنى جدا

هل ممكن بعد فراقك لحبك الأول ممكن تحب تانى؟

والحب التانى ده هيبقى زى
الأول ولا كده هتظلم نفسك وهتظلم شريكك يعنى هتعرف تنسى الحب الأول

بص يا عبده الحب الاول مش ممكن يتنسى ابدا حتى لو حبيت بعده 100 مره

انت لو كنت بتحب الاول ده اوي وهو بردو كان بيحبك بس حصلت ظروف خلتكم تتفرقوا عمرك ما هتقدر تنساه
انما لو كنت بتحبه وهو مش بيحبك
هتديله با الجزمة بعد اول حب حقيقي هتقابله

مفيش حاجه اسمها حب حقيقى اصلا من اصلو

بص يا عبده عشان تريح دماغك وهتعرف الكلام ده لو عملت زي مبيقولوا بحث في المواضيع دي هتلاقي ان مفيش قاعدة ثابتة ممكن يكون الاول احلى ويفضل طول العمر وممكن يبقى الاخير هو الاحلى
بس لو هتقول في حب حقيقي اه فيه حب حقيقي بس مش كل اللي قال بحبك يبقى بيحب حب حقيقي

معاك حق يا درش وأنا متفق معاك ان مفيش قاعدة ثابتة كل حب بيختلف حسب ظروف كل شخص ولكن في الأغلب ان الحب الأول لو فشل بعد كدة هوة اللي بيعرف الواحد بعد كدة هوة غلط في ايه ويصلحه وبالنسبة للحب الحقيقي طبعا موجود وفي حب وهمي وفي مجرد اعجاب ميوصلش للحب والحب درجات مشكور على التوبيك يا عبدو

الكلام ده كله اوك ماشى صح مش غلط بس مش لازم الحب الاول يعنى يكون هو الحب الاخير عشان فى ناس تقدر تحب مرة واتنين وتلاتة وده بيرجع لصدق الحب اللى كان بين الطرفين
وفى مثل ع كلامى ده انه الواحد ممكن يحب مرة واتنين وتلاتة اللى هو عمر وسلمى
انه كان ف الاول بيحب واحدة اووووووووى بس بعد ماهى سابته قدر ينساها وحب واحدة احسن منها وحبهم استمر للجواز كمان
ومع ان ده فيلم بس قصته حلوة

» الإنسان قبل(~الحب~) وبعد (~الحب~) وعند (~الحب~)
» يوميات اتنين مخطوبين 2
» يوميات اتنين مخطوبين
» بحب اتنين....عادى جدا وايه المشكله؟؟؟
» ~*¤ô§ô¤*~يخلق من الشبه اتنين وخمسين ههههه~*¤ô§ô¤*~