يا ترى انت فخور انك مصر ولا لأ؟

انت فخور بمصريتك ولا نفسك تاخد جنسية تانية؟
لو انت فخور......فخور ليه؟
لو انت مش فخو......نفسك تكون معالك اى جنسية؟

بس يا ريت الرد يبقى بصراحة

طبعا انا فخوره اني مصريه وبحب مصر جدا بس مصر فيها عيوب كتير اوي لازم تتصلح علشان يكمل حبي ليها واحس اني حباها بجد لكن هيا احسن من بلاد كتيير يعني انا محبش اني احد اي جنسيه تانيه فير مصر

مشكوووووووووووووور يافرعون على التوبيك

المصريين اهما حيوية وعزم وهمة
ههههههههههههههههههههه
شكرا ع المرور يا مصرية

انا بحب مصر جدا ولا طبعا يا لولتى مش مصر الى فيها عيوب الناس الى فيها هما العيب مصر دايما وعلطول وهتفضل ام الدنيا وبلد النيل والحب والنصر الدائم

وانا بحب مصر ووطنيتى عاليا حبتيين

مشكور يا عمر ع الموضوووووووووع جامد جدا جدا

ميرسى ليكى يا وطنية

الله الله عليكي ياشوشو ايه الجمال دا

طبعا يابنتي كلنا بنحب مصر بس ياشوشو العيوب دي في الحكومه يعني مصر مش فارقه برده لانهم هما اللي بيمثلوا

مصر قدام العالم

لا احنا الى بنمثل مصر قدام العالم يعنى كل رجل اعمال برا بلده كل مواطن بره بلده كل انسان برا مصر فى اى بلد كانت بدينه وبأخلاقه وبسلوكوا

واحب اضيفلك بولائه وانتمائه

لا بس الحكومه برده ليها دور كبييييييييير لانها بتدي انطباع كبير عن مصر لكن احنا مش هنقدر نمثل مصر بحالها ولو احنا مثلناها تمثيل مشرف

الحكومه هتضيع كل اللي احنا عملناه

لأ طبعا أنا فخور جدا اني مصري ولو لم أكن مصريا لوددت أن أكون مصريا على رأي الحاج مصطفى كامل

شكرا ع المرور يا زعيم

أكيد طبعا أنا فخور جدااااااااااااا إني مصري مصر دي فعلا أم الدنيا ولكن احنا للأسف جينا في عصر وحش مش بالنسبة لمصر بس بالنسبة للأمة العربيةوالإسلامية كلها
انا بحب مصر جدا جدا جدا جدا وفخور جدا اني مصري وأتمنى إني اخدم وطني اللي بيكره مصر ده إنسان غبي وناقص ومحدش يزعل بس انت تحب تبقى أمريكي وتسيب مصر
بس بصراحة عشان ابقى واقعي أنا اتمنى أحمل الجنسيبة الامريكية مش كرها في مصر لا ده إعجاب بأمريكا الدولة بنت امبارح اللي أصبحت أقوى دولة في العالم كمان أنا لو مواطن أمريكي العالم كله هيحترمني وهيعملي ألف حساب
عشان بس متقولوش انت بتحب مصر ازاي وعاي تاخد جنسية امريكية هقول حاجة بسيطة بص لتعامل ظابط الشرطة مع واحد قال انه مصري وواحد قال انه امريكي وعشان اسهل عليك المشوار اتفرج على فيلم عسل اسود

يعني حكومتنا وشعبنا بيحترم الامريكي على المصري

انا حاسس ان فيه كلام مش من قلبك بس الله اعلم ان كان احساسى صح ولا غلط بس انت دلوقتى بتقول انا بحبح مصر وفخور بيها بس انت ساعات بتستقل بيها اوووووووى وبستحقرها وتبقى متشاؤم
وع العموم تحيا مصر ويحيى شعبها وكمان يحيى عبد القادر

ده تشاؤمي اللي انت بتقول عليه ده يا عمر باشا اكبر دليل اني بحبها وزعلان على الحال اللي هي عليه

مش كده ولا ايه