هـمـا بيخـلفونـا ليه .؟

ده أنا أبوك

ده أنا اللي خلفتك

ده أنا شغال في ساقية علشان تعيش

ده أنا أمك

ده أنا اللي طلع عيني في حملك وتربيتك

بعد ما أبوك رماك ليا وهرب مع السكورتيرة

إنت
فاشل ليه يابني

يعني
إيه تطلع ال 17 على الفصل؟

ده
أنا طول عمري الأول على الفصل

يابني
حس على دمك وذاكر

القصص اللي ملهاش
معنى دي كلها

بتزعجني جدا

الأسلوب ده في الإستنزاف العاطفي

هل
هو طريقة صحيحة للحب وطلب المحبة من فلذات الأكباد؟

ليه أهالينا مش
بيخلونا نحبهم لله في الله

ليه
لازم يذلو انفاسنا بجمايلهم اللي هي دين في رقابينا ؟

أولا
مفيش أب خلف عياله حبا فيهم

ولا
حبا في الوطن

ولا
بصفتها مهمة قومية

كلنا
عارفين هو خلفهم في لحظة شكلها إيه

هي
حلال بس مكنتش واجب قومي ولا تضحية خالص

كل ست خلفت ولادها علشان ربنا خالقها بعاطفة أمومة أصيلة في
تكوينها

مخلفتهمش حتى حب في أبوهم

هي كانت بتحلم بيهم من الطفولة

من وهي شايلة عروسة صغيرة بتلاعبها وتأكلها وتلبسها

ليه لازم يعيـشونا باستنزاف لمشاعر الشكر عندنـا

ليه ميخلوناش نحبهم عشان احنا بنحبهم

نطيعهم في سن الطفولة والطاعة

ونتمــرد في سن الشباب والتمرد

ونـنـاقشـهم بمنطقية وحب في سن النضوج

و نحضنـهم لما نخـلف وندووق طعم الضنا وغلاوته

أناشايف أن
الإستنزاف العاطفي بين الآباء والأبناء

هو
صناعة بلهاء قديمة يا ريت نبطلها

ثانيا ليه معندناش
ثقافة حب عيالك صح

لو
مكانش والدينا هما اللي هيدونا ثقه في نفسنا .. امال مستنين مين يدهالنـا
؟؟

هو
كلمة أنا بحبك صعبة؟

هي
كلمة أنا فخورة جدا بيك ها تخليه طائر أوز منفوخ؟

أنا مش بقول يكذبو
علينـا

أو ينسبو لينا صفات
مش موجوده فينا

بس مؤكد لكل أب أو أم إبنك فيه صفة واحدة على أقل تقدير تستحق
الفخر والتقدير

الكلمةمش هتخليه مجرم حرب ولا حرامي حلة ولا فاشل

هم ليه مش بيقولوا
لأبناءهم

أنا
بحبك

أنا
فخور بيك

دي
لها فعل السحر

كل من حُرم من حنان
زائد يعوضه بشكل أساسي في أبناءه

هو
معقول ناخد جمل محفوظة ونطبقها بلا وعي؟

إلى
كل من كان أبوه قاسي في معاملته

جاف
في إظهار مشاعره معاه

لم
يحترم كلماته ولا يأخذ رأيه بعين التقدير والإحترام

لم
تحتضنه أمه سواء للإنشغال أو لمفهوم الدلع اللي يخسر

لما تبقى أب

لما تبقي أم

عيب قوي قوي

أن تجعل أبناءك يعانون منها

بدعوى سعيد صالح في مسرحية العيال كبرت

والله
لأخلف عيال وأمنع عنهم المصروف

أنا بحبك

أنا فخور بيك

كلمتين يحيوا موات
القلوب

ويشحذوا الهمم

ويطلعوا العيل يعرف
يقاوم إنكسار النفس

أمام العاهات البشرية
اللي ها يعاشرها على مدى عمره الطويل :x :evil: :P :roll: :twisted:

والله كلام زى الفل وعندك حق ةالله فى الكلام كله تشكر ياغالى

استاااااااااااااااذ

هههههههههههههه عشان هي دي طبيعة المصريين لازم يجاملوا بس انا مش بحب طريقة التعميم دي لان في ناس بتخلف عشان الوطن وعشان هو نفسه يبقى اب

موضوعك جميل يا درش

والدليل على اللي بقوله ان اللي مش بيخلفوا بيبقوا زعلانين مع انهم بينالو اللحظة الحلال اللي انت بتقول عليها

الناس بتخلف عشان نفسهم يبقوا ابهات وامهات واعتقد ان ده الاكتر خاصة مبين الطبقى المتعلمة انما العالم التاني ممكن زي مانت بتقول

شكرا لردك يا عبدو ولرأيك وردك الجميل يا درش