بنات الناس لعبة وأختك مكتوب عليها ممنوع اللمس !!!

بسم الله الرحمن الرحيم

لفتت نظري فـــكرة الموضوع

فأحببت طرحها لكم .. و مناقشتها ..
ورأي الشـــباب طبعاً هو الأهم ..

فالكــلام التالي .. من واقــع شبابنا .. !
بدايةً ..

سمعة البنت كالزجاج اذا انكسر يصعب اصلاحها وحياتها وكرامتها ليست ملكها , خصوصا
بالمجتمعات العربية .. للفتاة حقوقها وكرامتها وانسانيتها .. فتعلمت وتفهمت ما لها وما عليها

الا انها في بعض الاحيان تنساق وراء كلمات معسولة من ذئب شرس كل همه ان يفتك
ويفترس بعرض هذه وتلك من البنات.. متناسيا ان له أخوات وام وخالات وعمات
والكثير من الاقارب البنات .. !!

ما هو مفهوم شرف الفتاة لديك .. ؟؟ !

ما رأي الشاب الذي يغازل وفي لحظة يري اخته في نفس الوقت مطيحة مع شاب اخر فتثور ثائرته .. ؟؟

!

واذا كنت تمنع اختك من تكوين صداقة مع شاب
( يصبح عدوك لو انك عرفت ذلك عن اختك)
فلماذا تقبل ذلك على نفسك؟
وكأن بنات الناس لعبة واختك فقط هي الانسانه .. ؟!!

سؤالنا ايضا للبنات:

هل تقبيلن لنفسك ان تكوني علكة فى فم كل شاب يتباهى امام
اصدقائه بانه يضحك عليك وفعل معك كذا و كذا .. ؟؟ !!

تعرفون يا بنات الأن كل ما نسأل رجال لماذا ولماذا ولماذا تفعلون كذا في البنات يقول أنا ما قلت ليهم اطلعوا للسوق

بملابس غير محتشمة .. ولا أي حاجة ثانية

و كمان بقوا البنات هما اللي بينمروا الشباب في الشوارع و الأسواق .. !!

الموضوع ملفت شوية بس واقعي جدا في حياتنا ...

ياريت الكل يرد بصراحة

1.شرف البنت انها ما تنزلش شارع وتدور على حن شعرها يعني ممكن تنزل باحترامها
2 . رأيي أن مفيش صداقة بين شاب وبنت في مصر إلا نادراً
3 . انا مش بحب حوارات البنات ديه وكده ! تضييع وقت
وتسلم يا معلم مواضيعك كلها ابدااعـ ما شاء الله

اصل مافيش اغلى من الشرف هههههههههههه

الموضوع كويس والمفروض فعلا كله يدخل ويرد عليه

بطبيعتنا كبشر في مجتمع شرقي اننا نرفض كلام الصبيان والبنات تماما لييييييييييييييييه

عشان احنا مش فاهمين ان ممكن يبقى في احترام بين الشاب والفتاة

انا عن نفسي عمري مأتعامل مع بنت وحش ومش بحكم عليها من كلامها مع الشباب لان ممكن تكون هي بتتكلم كصداقة ومش حاطة في دماغها اي حاجة تانية انما ده مش الواقع اغلب الصبيان والبنات بيكونوا عايزين يكلموا بعض عشان يكمل نفسه

الولد حاسس انه مش راجل من غير بنت ونفس الحكاية مع البنت وده بيبقى في مرحلة المراهقة عشان كده لما بتيجي مرحلة النضج الانسان بيستهيف كل اللي عمله في مراهقته

احترام البنت مش زي مقال عبد الله اوي ولكن هي انها تكون عارفة ان اللي بتعمله ده صح بمعنى انها متكنش عارفة ان الموضوع ده غلط وغير مسموح بيه وتعمله

عشان كده دايما انا بقول ان البنت اللي في امريكا اللي برتكب الزنى وابوها عارف وعادي الموضوع بالنسبة ليها احسن من البنت المصرية اللي بتكلم صبيان وبتحب كده من ورا أهلها
طيب ليييييييييييييه عشان البنت الامريكية دي عملت حاجة عادية بالنسبة ليها في العرف بتاعهم ومحدش يقدر يحاسبها انما المصرية اللي كلمت صبيان من ورا اهلها متقدرش تقولهم كده

وهو ده احترام البنت بالنسبة لي

انما انا بغير لعى اختي ومش عايزها تكلم شباب فده طبيعي انا اش ضمني الشاب ده بيقول عليها ايه من وراها انما انا على سبيل المثال عمري فاتعامل مع بنت كويسة تعامل وحش والبنت هي اللي تحدد طريقة معاملتي معاها لو محترمة هتعامل معاها على الاساس ده لو غير كده يبقى خلاص بس في نفس الوقت احط في دماغي اني ماضيعش سمعتي برضه

دي وجهة نظري وشكرا على التوبيك ويا رب كله يرد

مظبووط يا درش كلامك منطقي جداً

كلامك كبير يامعلم

الله يخليكم يا شباب وعقبال عندكم

فعلا ياجماعه مش اي بنت نحكم عليها من طريقة كلامها او لبسها وكده فيه بنات لم بتتكلم بتكلمك كاخ وكده اصدقاء مش اكتر وهوا فعلا موضوع مهم يادرش شكرا ليك

شكرا على ردودكم وعلى أرائكم الجميلة يا جماعة وأنا بتفق معاك يا درش في وجهة نظرك

ربنا يخليكي يا صافي

بما ان اول بنت ارد ع الموضوع ده اسمعو بقا

اولا نتكلم بالمنطق البنت لازم يتحكم على البنت من المظهر والكلام يعنى صوتها ميكنش اد كدا فى الشارع وتضحك وتتمايع وتقولى لالا غصبن عنها اصل الموضوع يضحك دى محترمه ومينفعش البنت تنزل من بيتها لابسا اعوذ بالله وجسمها عرضه للى يسوا والى ميسواش وتيجى تقولى لالا ده عادى دى ماشيه ع الموضه بس دى محترمه لا طبعا وبعدين المقارنه بين البنت الغربيه والبنت الشرقية مينفعش لان اصلا مفيش وجهه مقارنه احنا مسلمين او مسحيين مجتمع شرقى مينفعش عندنا البنت بعد 18 سنه تبقى حرة يعنى ايه حرة دى لا طبعا وابوها واخوها يبقو عارفيين انها مع واحد لا وعادى دول ............. من الاخر مش رجاله ولا عندهم نخوه ومين قالكو ان الحب عندنا ممنوع يعنى لو البنت تحب وتقول لمامتها او اختها الكبيرةعادى لانها مش بتعمل حاجه غلط والحب مش حرام ولا عيب الا فى حدوووووووووووووووووود وفى سننا ده لازم نتوجهه صح ومش كل حاجه يتقلنا عليها لا ومش ينفع ولازم المفروض الاسرة الصح تتفهم ولادها

وبالنسبه للولاد بقا فى مقوله اكييييد كلكو عارفينها اسمها ( كما تدين تدان ) والشاب الى فاكر نفسه ياما هنا ياما هناك وبيكلم نص بنات البلد وفرحان بشبابه وحابس اخته فى البنت اقوله انت مش اقوى من ربنا والى عملته فى بنات الناس هيتردلك فى اختك انشالله كنت مخبيها فين ربنا الى هيأخد الحق فى الاخر

وتقبلو رأى بقلب رحب
تقبلو مرورى
اختكم عيون الكون

كلام جميل يا شروق اوي وياريت البنات يفكروا زيك

بس على فكرة انا من راي ان المشكلة كلها في الاسرة وتربيتها للبنت دي وبعدين ازاي اب يرضى ان بنتوا
تنزل بالشكل ده في الشارع المفروض يبقى كل واحد عامل حسابه قبل ما تقع الفاس في الراس
وبغدين مصر دلوقتي بجد بقت غريبة ده ممكن كمان كام سنة نبقى زي الغرب
حرام يا جماعة احنا مسلمين

صلوا بينا ع النبى يا جماعة اولا انا هعلق ع كلام عمرو الاول
مصر عمرها ماهتبقى زى الغرب لسبب لانها مذكورة ف القران واظن البلد اللى تتذكر ف القران مفيش بعد كده شرف وعظمة ليها وربنا اكيد هيحميها
ثانيا بقى طبيعى ان الولد يخاف ع عرضه وميرداش ان اخته تكلم شاب لان فى حاجة جوانا اسمها نخوة مع انا للاسف فى ناس كتييييييييير معندهاش الحاجة دى
والبنت لازم تبقى عارفة هى بتعمل ايه وبتتصرف ازاى وده يرجع للتربية زى ماقولتوا
وطبيعى ان الولد لازم يخلى البنت تعجب بيه ويبقى هو البريمو زى ما بيقولوا وكذلك البنت عايزة تبقى هى اجمل واحدة لان دى حاجة طبيعية جوانا ان الولد ميال للبنت والبنت ميالة للولد
ثالثا فى حاجة قالها مصطفى هاشم اننا بنبص للحب اللى ف سن المراهقى لما نكبر ع انه تفاهات
انا بصراحة بختلف معاك يا درش لان لكل قاعدة شواذ واحتمال يكون الحى اللى ف سن المراهقة ده يكون الاول والاخير
واخر حاجة بقى عايز اقولها ان البنت لازم تحرص ع نفسها اووووووووى لانها مش زى الولد ولا حاجة زى مابيتقال دلوقتى
الولد ممكن يغلط لكن مايجبش العار لاهله بنفس الطريقة بالنسبة للبنت والولد ممكن يغلط لكن عادى ربنا يهديه بعد كده ويتجوز ويعيش حياة طبيعية خاااااااالص
اما البنت للاسف الغلطة الاولى هى الاخيرة
انا حبيت بس اوصح رايى ولو كان طويل شوية معلش

كلالالالالالالالام جميل جدا جدا يا فرعون بس احنا او مصر تبقى فعلا تستحق ده لو احنا بنعمل بالقران وووخدينه منهج ودين وحياه بس للاسف اصلا بلدنا سايبه ع الاخر ع الااااااااخر ومش واخده بدينها فازاى ازاااااااى منعملش بالقران ويليق علينا خير جنود الارض لما ييجى جيل يستحق انو يغير بلده وفعلا يغيرها هنحقق كل امانينا وفعلا جندنا هيكونو خير جنود الارض

يا سلام أنا بحييكوا على المناقشة الجميلة دي وبشكر شروق على رأيها الجميل وشكر ليك يا عمرو ويا فرعون على أرائكم

على فكرة يا جماعة فرعون ده يبقى عمر عبد الرحمن واستنوا منه كتير عشان هو عقله حلو اووووي

بص يا عمر انا اختلف معاك في حكاية مصر مش هتبقى زي الغرب خالص وعندي الدليل الرسول قالنا اننا هنفضل نقلد الغرب حتى لو دخلوا بيت حيوان مفترس هندخل وراهم يعني هنقلدهم في الغلط طبعا ده معنى الحديث لاني مش فاكره حلو كمان عندي دليل تاني ان برضه الرسول قالنا ان من علامات يوم القيامة ان هيكون الزنى في الشارع عادي خالص واكتر واحد مؤمن هيقول جنبوا شوية متقفوش كده في وسط الشارع خدلكم جمب وبرضه انا مش عارف الحديث صح انا بقول المعنى كمان عندي دليل تاني الرسول قالنا ان القيامة هتقوم على اسوأ خلق الله اشر الناس في التاريخ وان مفيش حد هيذكر ربنا خالص ولو مش متاكد من كلامي اتاكد بنفسك يعني بالعكس يا عمر مصر هتبقى اوحش من امريكا ومش مصر لوحدها طبعا العالم كله

ثانيا موضوع الحب انا عن نفسي مش رافض الحب خالص ومعاك حق يا عمر لكل قاعدة شواذ وفي حب في المراهقة احسن من ناس متجوزة وانا عارف كده كويس بس انت بتتكلم على تقريبا 1% يعني 99% وحش وحب مراهقة

في حاجة تالتة عايز اقولها ان الواحد فينا لو حب مرة واحدة في حياته هيبقى افضل بس ده بيختلف عن شخصية البني ادم في ناس مش بتتعلم غير لما تغلط انما في ناس عندها العقل انها تقدر تكون حب كويس الناس كلها تحترمه ومش معنى ان بنت كلمت ولد اننا نحكم عليها ونقول مش محترمة لان فيه حب يكون بحدود ولكن تحاول برضه انها تعرف اهلها وبلاش ابوها خليها امها او اختها الكبيرة زي مقالت شروق

يا جدعان الحب حلو وانا بصراحة مش عايز اتجوز الجواز التقليدي انا عايز اتجوز عن حب ولو لقيت اللي اتفاهم معاها وتفهمني بجد انا مش هفرط فيها ابدا واقول دي كلامتني وممكن تكلم غيري المفروض نغير وجهة النظر الفاشلة دي لو بنت محترمة وحبتك واحترمتك يبقى انت لازم تطلع راجل معاها غير كده متبقاش راجل وملكش دعوة بكلام الناس

يا جدعان احنا بنعيش في القرن 21 بلاش تخلوا تفكيركم في القرن 18 الدنيا بتتقدم ولازم الافكار برضه تتطور

المفروض تدور على اللي تحبها وتحب مش تقول انا هنزل اظبط البت دي

الحب مش حراااااااااااااااااااااااااااااااااااااااام

اوعى يا مصطفى يا شديد
ايه الحلاوة دي يا كبير انت وعمر
وتسلم ايدك يا قنديل موضوع جامد

يا جماعه كل ولد و كل بنت بيبقى عندهم رغبه بالإختلاط بالبنت إذا كان ولد و البنت كذلك .ما يمنعش الحكايه دي إلا الإيمان بالله فإذا كان الإيمان قوي مش هيشعر بالرغبه دي اساسا.يا جماعه والله احنا لو قربنا لربنا هنتصلح علشان الاختلاط بحد ذاته حرام حتى لو فيه حب .بس احنا بعدنا عن الدين

» كلو بنات بنات بنات مفيش مرة شباب
» مكالمة لم يرد عليها=1
» انا كده غير كل الناس
» دعاء مدرسة لغه عربية اتزوج عليها زوجها.......
» افرحوا فينا يا بنات

**بنات الناس لعبة وأختك مكتوب عليها ممنوع اللمس !!!**

بنات الناس لعبة وأختك مكتوب عليها ممنوع اللمس !!!