سؤال ومحتاج اجابة

والله من رأى ان الحب الاول اجمل ما فيه انه حب اول يعنى اول مرة اعرف معنى الحب بس ممكن يكون اختيارى للشخص غلط واكبر غلط عشان اكيد مش هيكون عندى الفكرة الكافيه لاختيار شخص مناسب اما الحب الاخير فى وجهه نظرى هو افيد واحسن بكتير لان اكيد هيكون عندى فكرة فهختار الشخص الصح

الحب الاول ده بيبقى اكتر حب مميز سواء كان حلو او وحش لانك دايما بتظل تفتكره وكمان بتتصرف فيه بطبيعتك انما بعد كده بتبقى خدت خبرة فبيبقى الموضوع فيه حسابات شوية

انا من راي ان الحب الاول ده جميل اوووووووووي بس انا مقدرش احدد هل الحب الاخير هو الاول لاني معشتش حب اخير عشان احدد كده يمكن هو عشان راجل كبير قال الكلمة دي بس بصراحة مش كل الناس حاجة واحدة ممكن يكون اول حب عند واحد فينا هو اجمل حب وعمره مهيشوف زيه وممكن يكون الاخير هو الاحسن وممكن يكون حاجة في النص فدي مش قاعدة عشان كده انا شايف ان العبارة دي غلط وقلت اسبابي

بس ممكن تتعدل وتبقى الحب الاخير هو الحب الاصدق او الحقيقي لانك بتكون خدت خبرة فقدرت تختار الشخص اللي ينسبك وبتكون اتعلمت من اخطاءك اللي قبل كده انما الاول بيبقى تصرف بالفطرة

بس برضه الحب الاول يفضل الحب الاول لانك متقدرش تنكره من حياتك

انا جربت احب واللي يشرب من بحر الحب ميشبعش منه ولا يثدر يبعد عنه

انا بقى من رأيى المتواضع ان الانسان اللى بيحب اكتر من مرة بيبقى محبش بجد ولا بيعرف يحب بجد
لان القلب لما بيجى يحب فعلا يبقى معنى ذلك انه مش هيقدر يكره اللى حبه ده ان كان عايز يحب الحبيب وميكدبش عليه
وده طبعا كله للانسان العاقل اما بقى النوع التانى اللى بيسموه المراهق فده هو الى بيحب كتييير وع فكرة مش بيعرف يحب بجد وكله بيبقى اى كلام يا عبدالسلام
واكيد طبعا رأيى ده ممكن ميعجبش ناس بس انا وضحت وجهة نظرى وف الاول والاخر دى وجهة نظر مش اكتر