ده كلام يا احمد

ده كلام يا احمد ؟؟؟؟؟؟؟؟

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::

اإستووا.. إعتدلوا.. إستقيموا يرحمكم الله

الله أكبر
الله أكبر

أحمد ركز بأه في الصلاة وبلاش تسرح طيب خلاص، إمممم.. هو الراجل اللي جنبي ده صوابع رجليه عاملة كده ليه؟ صباعه الكبير ده كبير أوي، آه بمناسبة الصوابع هي صوابع زينب دي اللي هيا إيه؟ بيتهيألي دي اللي عاملة زي الزلابية، زلابية؟؟ زلابية إيه بس وبتاع إيه

الله أكبر
أحمد ركز ياأحمد، طيب ماأنا مركز أهوه، مركز إيه طيب إنت قريت سورة إيه؟ أنا قريت سورة اللهب شفت بأه أنا مركز إزاي؟ لألأ دي كانت سورة الفيل

سمع الله لمن حمده
ربنا ولك الحمد، أنا جعت، بس مش عارف أفطر إيه النهاردة؟ آه المطعم الجديد اللي كانوا بيتكلموا عنه إمبارح، بيقولوا عليه أكله حلو، بس هو في شارع إيه؟ لما أخلّص الصلاة أتصل بالتليفون أعرف العنوان

الله أكبر
هيا الساعة كام دلوقتي؟ زمانها أربعة وخمسة، على فكرة هيا الساعة التانية الجلد كنت حطيتها فين؟ آه.. ياإما في الدرج ياإما في الدولاب، دولاب ايه بس ياأحمد ركز ياأحمد إنت بتصلي،أستغفر الله

الله اكبر
أهوه أنا مركز أهوه، إنظر لمكان السجود وركز في الأيات اللي بيقولها الإمام

الله أكبر
الشيطان ده أعوذ بالله بيخلي الواحد يسرح، مش هو الشيطان بيتسلسل في رمضان، يعني بيتسلسل تلاتين يوم، أيوه بس هو رمضان ده تسعة وعشرين ولا تلاتين؟ هو إبتدى إمتى؟ تعالى نحسبها كده.. هو كان يوم السبت في السعودية وفي مصر الأحد غريبة أوي الحكاية؟ طيب لو واحد على الحدود ورجل بره ورجل جوه يصوم ولامايصومش؟ أحمد.. شفت أهوه إنت رجعت تسرح تاني

الله أكبر
هو إحنا في الركعة الكام؟ يعني هانقوم ولا هانقرأ التشهد؟ لا دي التانية، طيب أقولك إتأخر شوية وشوف الي جنبك هايقوم يقف ولا يقعد يقرأ التشهد

الله أكبر
أيوه دي الركعة التانية، شفت بأه عشان سعادتك عمال تسرح، لأ خلاص أعوذ بالله من الشيطان الرجيم

الله أكبر
السجادة دي مريحة ولونها حلو، هيا سجادة ولا موكيت، لاموكيت بنسيج السجاد، آه على فكرة إبقى إفتكر تكنس السجادة اللي في البيت بالمكنسة، بس لازم أنضف كيس المكنسة عشان بقالي فتره مانضفتوش

الله أكبر
الراجل اللي جنبي ده، رجليه بتزق في رجلي، طيب أحرك رجلي شوية، الله ده بيلزقها فيا تاني، أستغفر الله

الله أكبر
فيه صوت موبايل، الناس دي ليه مش بتقفل الموبايل ساعة الصلاة.. مش عارفين ان ممكن ده يخلي الواحد مايركزش في الصلاة مع إن فيه يافطة محطوطة على الباب مكتوب عليها إغلق الجوال من فضلك وعليها صورة موبايل عليه علامة إكس.. بس هو الموبايل ده كان نوعه إيه؟
بيتهيألي سيمنس.. هيا إيه الرنة دي؟ آه أنا عايز أبقى أغير الرنة، فاكر الموضوع اللي كتبته عن رنات الموبايل
.
.
.
.
الله أكبر
الراجل اللي جنبي ده عمال يتحرك كتير، أستغفر الله مافيش خشوع خالص، أنا أهوه مش باتحرك

السلام عليكم ورحمة الله
السلام عليكم ورحمة الله

إيه ده؟؟

هيا الصلاة خلصت ؟

طيب!!

السلام عليكم ورحمة الله
السلام عليكم ورحمة الله

أستغفر الله العظيم

مع تحياتي

هههههههههههههههه ليه كده يا احمد ؟
احب احييكي يا هدييل على الموضوع الجميل
الموضووع هادف جداً ليه أسلووب جديد
يا رب الي يقراااه يفهم الهدف منه
شكراً بجد يا هدييل وربنا يهدي
تحيااتي الحارة ده كلام يا احمد 57118

ميرسي ليك اوي ده من ذوقك بس ويارب يهديني جميعا

موضوع حلو اوي يادودو تسلم ايدك ياقمر

وربنا يهدينا جميعا

جزاكي الله خير وتسلمي على التوبيك الجميل ده يا هدولة ومنتظرين جديدك دايما

» كلام قلب حزين
» كلام عاقلين ..
» كلام حب ادخل واتعلم
» كلام حزين من القلب
» كلام رومانسي جاااااااامد