كلام بنسمعه كل يوووووووم ..ومفيش فايدة برده

اوعى خيالك المريض
يهيألك انك ممكن تاخد منى فلوس تانى.

* انتا مالك من ساعة ما دخلت البيت و انتا فرحان انتا
جاي من انهي غرزة.

* ذاكر ياموكوس مش فالح غير فى الهيافه والكلام الفاضى.

* خلصي أكلك وناميلك شويه عشان تقومي تذاكريلك كلمتين.

* ذاكر ساعتين بتركيز كأنك ذكرت اليوم كلو (الغريب اما
تقعد تذاكر ساعتين يقولو و هي دي مذاكره).

* مذاكرة ايه دي اللى على السرير.

* يا ابني تعالي اقعد معانا ولا انت مأجر اوضه جوه البيت ......

* ابقي نشف الحمام بعد ما تخرج منه.

* يا خويا ياريتك حافظ الدروس اللى عندك زى ما انت حافظ
الاغانى كده .( هههههههه سامع يا عبد الله )

* اعملى حسابك اول ما الدراسه تيجى الرسيفر هيتشال هو
والتليفزيون والنت والكومبيوتر( ليه هنهاجر يابا الحاج )

* قبل الفجر: ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما
نايمة .

* امشى جاتك مشش فى ركبك .

* جتها نيلة الى عايزة خلف تيجى تشوف .

* متحطيش الموبايل جنبك و انت نايمه هيجبلك تخلف عقلي .

* متتأخرش وهات عيش وانت جاى .

* هو ده اللي انت فالح فيه طول الليل والنهار قاعد علي
الزفت الكمبيوتر بتاعك لحد ماهيجيلك تخلف عقلي منه أنا مش عارف انت بتنيل ايه على الزفت ده.

* كل يوم هات هات لمة ربيتلى الهتهات (بابا طبعا) مع انى
مش عارف اية الهتهات ده بس ماشية مع الجملة ^ ^

* هتذااااااااكر هتاخد عنية مش هتذااااااااااكر هتاخد
بالجزمة (هو فى غيره طبعا بابا).

* أوعى حد يضحك عليك ويقولك جرب السيجارة دي.

* ابقى ورينى مين حينفعك فى الاخر من شوية الصيع الى انت
ماشيلى معاهم .

* وطي المدعوق ده شويه .

* مش ملاحقه علي التليفون ولا الموبايل عملالي فيها الست
المهمه.

* برة البيت بتضحك وجوة البيت لاوى بوزك ............
اما اشوف صحابك الصيع حينفعوك في ايه.

* عمرو ده عيل بايظ وما تمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى
الساعه10 .

* انت مبتكلش جزر ليه .. اجيبلك برتقانه. طب كل سلطه .

* قومي ساعدي امك ده اللي هيتجوزك أمه داعية عليه.

* يا ابني حرام عليك الى بتعمله فينا ده.

* لمى هدومك انتى مش عايشة فى زريبة بكرة اشوف بيتك
هيبقى عامل ازاي.

* ابقي قابليني لو فلحتي ... ( بس دايما مش بيقولوا نقابلهم
فينّ!!! غريبه ) .

* كفايه رغي في التليفونات .

* اطفي التلفزيون وقوم ذاكر ولا خش اوضتك .

* بلاش تمشى حافى البس شبشب وانته داخل الحمام .

* فلوسك بتروح فين يا هبله انتي بتصرفي عالشلة ؟

* مع ان الواحد كل سنة بينجح و رغم كدة يقولولك ابقى
قابلني لو نجحت .. كل سنة الكلام دة
.

* ماتتأخرش علشان عندك كلية بكرة بدرى.

*
انا عارفة ازاى ألمك .

* انا : يوووووووو يا ماما بقى؟؟؟
ماما:مووو لمـا يــــــاخدك.

*
ادلعى ياهبة فى ايامك المهببه .

* ده منظر اوضة بني آدم ، انت عايش فيها ازاي؟

* هو انا الخدامه الى ابوكم جابهلكم .

* الى يطلع من الاوضه يطفى النور وراه .

* أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم ..
متتكسفش .

* يا ابنى المذاكره ما بتخلصش .... نفسى اشوفك مره ماسك
كتاب.

* اعمل حسابك مش هندخلك جامعه خاصه.

* قالب ليلك نهارك طول الليل صاحى وطول النهار نايم.

* طبعاً ما حضرتش ولا محاضرة ولا سكشن , وطول اليوم صايع
بره البيت .

* مالكش دعوة بالسياسة .. وماتمشيش في مظاهرات .و امشي
جنب الحيط .

* احمد ربنا الاكل الى مش عجبك ده فى ناس مش لاقيينه .

* والله لو ما نضفتي المطبخ ومسحتيه ما فيش نزول النهارده .

*
قومي سخني الأكل لأخوكي.

* ابوكم كان دايما بيطلع الاول على الفصل... " لما
كلهم كده امال مين الى بيطلع الاخير
.

(
حضرتك راجع البيت متأخر و عاوز تتوه الموضوع وانت بتكلم
مامتك )
انت : ماما عاملة ايه مش عارف ليه حاسس انك وحشتيني يا
ست الحبايب
مامتك : وحش اما يلهفك كنت فين ياد يا صايع انت ؟ ايه
اللى رجعك متأخر كده ؟؟

****

ومع ذلك هنفضل نسمعه ..

·
وبرضوا مفيش فايدة

موضوع جيد

و ع فكرة معظم الكلام حاجات مفيدة بس احنا بنضحك عليها لاننا اصبحنا نسمعها كل يوم

معاك حق ميرسي لردك يا باشا

هههههههههههههههههههههه يوووووووه بجد زهقت من قومى نامى واطفى الكمبيوتر هيولع فى وشك هههههههههههههههههه

تسلم

ههههههههههههههه شكرا على ردك فعلا بيتقالي كدة برده

» مفيش فايدة
» كلام قلب حزين
» ده كلام يا احمد
» كلام عاقلين ..
» كلام رومانسي جاااااااامد