اشهر الجمل التى يقولها الاب والام

اشهر جمل بيقولوها الأب و الأم في مصر :

انت فاكرنا لاقين الفلوس ديـــ في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

*
صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

بجد تقريبا يوميا بنسمع نص الكلام ده ههههههههههههههههههههههههههههههه ما يسيبونا فى حلنا بقا ههههههههههههه

تسلم

تقبل مرورى

عيون الكون

هههههههه فعلا بقت حاجة تخنق أبهات وأمهات اليومين دول مشكور يا محب

انا فعلا حفظت الكلام ده حتى لما بيجوا يقولوه بردد معاهم الكلام ده

واكتر جمله بسمعها نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

هههههههههههههههههههههه
هي دي بس اللي بتتقال لك يا مصطفي
انا تقريبا كل الكلام ده بيتقال لي

جامد يا درش

ههههههههههههههه موضوع جامد اوي يا محب !!
وديه اكتر حاجة بتتقالي من بابا
ايه الا مبالاه و الاستهتار اللي انت عايش فيهم دول
تحياتي اشهر الجمل التى يقولها الاب والام 57118

هههههههههه
ابهات وامهات اخر زمن

ههههههههههههههههههه

بجد جامده جدا

انا تقريبا الكلام دا بيتقالي كل يوم
توبيك روعه

محب شكله عمل بحث قبل ميعمل الموضوع ده

وبعدين ده اكيد لازم يحصل ماحنا جيل معندناش دم وبنعكنن عليهم فعلا وهم معاهم حق

صحيح نسيت اشكرك على الموضوع الهايل ده يا محب باشا

موشوع جاااااااااااااامد بس ده كله بيدل على انهم بيخافو علينا

هههههههههههههههههههههههههه لابنا يخليهم لينا
ويبعدهم عنا شوية

» أشهر جمل بيقولوها الاب و الام فى مصر