درش على كرسى الاعتراف

اخييييييييييييرا درش هينورنا على كرسي الاعتراف

وحظي كمان اني اول واحده اسالك

يلا بقى اسيبك مع الاسئله

1-لو قالك المصباح السحري اختار امنيتين شو راح تختار ؟

2-امتى حسيت بجد انك اضعف انسان في الدنيا ؟

3- لو رجعت بالزمن لورا ايه اكتر موقف هتبقى عايز تمسحه من حياتك ؟

4-ماهي التجربه التي تتمنى تكرارها ...؟؟

5-حمامة زاجل استقرت على نافذتك تحمل رسالة من

مجهول فممن تتمنى ان تكون...؟؟

بس كفايه عليك ناو

ولي عوده ان شاء الله

االاول احب اسلم على درش وهو عارف قد ايه انا بعزه ونبدأ فى الاسئله

س1/لو قولتلك انك هتروح جزيره فاضيه خالص وهتاخد معاك واحد بس والواحد ده هيبقى اكيد اعز الناس ليك و اقربهم هتاخد مين يا ترى؟
س2/ لو خيرناك زى الشاطر بين الصديق والحبيب تختار مين بس بصراحه؟
س3/اى اخطر قضيه من وجهت نظرك( قضيه فلسطين....ولا التفرق العربى اللى احنا بنعيش فيه....ولا تفكير الشباب الغلط....ولا الخوف اللى ناس عايشه فيه اليومين دول) معاك ربنا بس بعد لما تختار قولنا ليييييييه ؟


[center]كفايع عليك كده يا درش

1-لو قالك المصباح السحري اختار امنيتين شو راح تختار ؟
1/اتجوز البنت اللي بحبها واجيب منها اطفال زي العسل
2/اكون شخصية كويسة اقدر اخدم ديني ووطني

2-امتى حسيت بجد انك اضعف انسان في الدنيا ؟
هو محصلش معايا قبل كده بس اكيد الظلم يخلي الانسان يحس انه اضعف انسان في الدنيا وصيغة التفضيل دي مش بحبها ممكن احس اني ضعيف بس اضعف واحد صعبة اووووووووي لاني عارف ان فيه ناس عيانين وناس مرمية في السجون ومش عارفة تجيب حقها بس يا رب مأحس اني اضعف انسان في الدنيا ولا اي حد فيكم

3- لو رجعت بالزمن لورا ايه اكتر موقف هتبقى عايز تمسحه من حياتك ؟
مفيش حاجة معينة بس يمكن ان قلبي خدعني في مواقف كتير وخلاني اعمل حاجات انا مش عايزها بس تقدري تقولي اني صاحبت واحد وندمت بعدها بس مش لدرجة اني امسحه من حياتي مش هو الموقف اللي عايز امسحه لو افتكرت حاجة هبقى ارد عليكي عشان مفيش حاجة في دماغي دلوقتي

4-ماهي التجربه التي تتمنى تكرارها ...؟؟
انا لسه عندي 16 سنة وشوية يعني مفيش تجارب كتير اوي في حياتي ممكن ارد عليكي اني اعيش قصة حب زي اللي عشتها زمان بس انا معتقدش الاقي واحدة زي اللي كنت بحبها أتمنى اني اجرب تجربتي معاها بس المرة دي بشكل رسمي

5-حمامة زاجل استقرت على نافذتك تحمل رسالة من
مجهول فممن تتمنى ان تكون...؟؟
أتمنى انها تكون من البنت اللي كنت بحبها تقولي فيها بحبك زي زمان واكتر هههههههههههه
بس فيه حاجة اهم من كده بس صعبة تحصل تكون فعلا من مجهول وتقولي ربنا راضي عنك دي هتبقى احسن طبعا
بس مش عارف ليه حمام زاجل احنا في القرن 21 يعني في رسائل موبايل وايميلات انا عن نفسي لو لقيت حمام زاجل هنشها زي الدبان فمش هلحق اقرا الرسالة

أسألتك حلوة ويا رب أكون عرفت أرد

1*مواصفات فتاة احلامك
تكون محترمة وتكون بتحبني ومش بتحب غيري أكون أنا بالنسبة ليها أحسن راجل في الدنيا وطبعا رقيقة وحساسة وحنينة عشان مش بحب الستات اللي عاملين زي الرجالة اما بقى حتة الجمال دي فطول مأنا بحبها هتكون بالنسبة لي أجمل بنت في الدنيا

2*هل سبق ومررت بتجربة حب من طرف واحد؟
حصلت معايا زمان بس بعد أما حبيت حسيت اني مكنتش بحبها كنت بس معجب وعايز اكلمها

3*هل خسرت حب حياتك؟
لا بالرغم من المشاكل الجامدة اللي بينا دلوقتي متاكد أن حبنا ملهوش نهاية وأنا أكتر واحد أحس بكده

4*هل تجد نفسك غبيا احيانا أمام اصدقائك؟
لا مش غبي بس أحيانا بعمل نفسي غبي عشان منخسرش بعض يا رب تكون الإجابة وصلت

5*هل تستطيع أن تسامح من ظلمك وتقابله وكأن شيء لم يكن؟
على حسب فمثلا متجبليش واحد قتل شخص بحبه اوووي ممكن أسامحه بس مش أقابله ولا كان فيه حاجة عشان أنا اللي في قلبي بيبان ومش بحب أنافق حتى الرسول مكنش قادر يبص في وش وحشي اللي قتل سيدنا حمزة إنما لو كانت حاجة بسيطة أعتقد إني أسامحه وياما سامحت ناس كتير اوووي غلطوا معايا
بس أهم حاجة أحس فعلا انه ندم بجد وجاي يعتذر مش جاي يثبتني بكلمتين

6*هل تتمنى تغيير شي من صفاتك وطباعك؟
اه أتمنى طبعا كل واحد فينا وفيه حاجات وحشة وأنا اتمنى أغير حاجات جوايا بس دي حاجات مينفعش اقولها لحد غيري

7*هل تعبر عن مشاعرك بصراحة تجاه الاخرين؟
أنا لسه قايل من شوية اني مش بعرف أنافق يعني لو بحبك هيبان علي انما لو مش طايقك هيبان علي برضه

8*هل فكرت يوماً بـ الإنتقام من أحد جرحك؟
اه فكرت بس طلعت الموضوع من دماغي وقلت دي حوارات أطفال وسيبه لما يكبر ويعرف غلطه بس مين وازاي مش هقول

9*من هو مطربك المفضل؟
ماليش مطرب مفضل أنا بحب أسمع الأغاني اللي تعجبني مش حسب المغني بس تقدر تقول ان حماقي بيعجبني أكتر من غيره

10*من الانثي التي تقف امامها ضعيف. (متقلش مامتك)؟
اللي بحبها أكيد طبعا حتى بعد أما سبنا بعض

11*هل انت علي علاقة حب الان؟
حب أيوة كنت بحب واحدة ومش مستعد أحب غيرها إنما كلام دي بقى مصالح لناس أصحابي بعملها عشان بعزهم ومقدرش اقولهم لا بس الحب في قلبي لواحدة ومش هيبقى لغيرها

شكرا يا قنديل على الأسئلة ويا رب أكون قدرت أجوابك

شكرا ليك انت يا درش على أجوبتك اللي صريحة شوية مش قوي ههههههههه لأ اجابات زي الفل مشكور يا حبي

س1/لو قولتلك انك هتروح جزيره فاضيه خالص وهتاخد معاك واحد بس والواحد ده هيبقى اكيد اعز الناس ليك و اقربهم هتاخد مين يا ترى؟
مراتي طبعا ولو دلوقتي هتبقى مامتي لأنها أكتر شخص عزيز علي في الدنيا

س2/ لو خيرناك زى الشاطر بين الصديق والحبيب تختار مين بس بصراحه؟
اللي يستحق انا معنديش قاعدة في الموضوع ده يعني لو صاحبي مخلص معايا اكتر اختاره بس بالنسبة للواقع اللي حبتها اجدع من اصحابي كلهم متزعلش يا درش او غيرك بس هي دي الحقيقة وانا اكتر واحد أحس بيها وأكيد هختارها

س3/اى اخطر قضيه من وجهت نظرك( قضيه فلسطين....ولا التفرق العربى اللى احنا بنعيش فيه....ولا تفكير الشباب الغلط....ولا الخوف اللى ناس عايشه فيه اليومين دول) معاك ربنا بس بعد لما تختار قولنا ليييييييه ؟
بص يا معلم لو شبهنا الأمة العربية بالشجرة هنلاقي ان الشباب هو الساق هتقولي طيب والجدر دول قدماء العرب اللي كلنا بنفخر بيهم طيب مش معنى الساق لانها لو مالت هيميل كل حاجة وهتبدا الثمار تقع فهتظهر المشاكل بمعنى إن الشباب لو في كل بلد عربي بقى كويس بلده هتبقى كويس هتفهم يعني ايه وحدة عربية فهتبقى فيه وحدة وطول مفيه وحدة وشباب كويس هنحل قضية فلسطين وساعتها بقى الناس مش هتخاف من حاجة لاننا هنكون أكبر أمة في العالم والأقوى كمان عشان كده الشباب هم أهم حاجة

حلوة أسئلتك أووووووووووي يا درش يا نمس فاهمك أنا يا حبي بس أديك شفت اني جاوبت بصراحة

Mostafa Kandil كتب:

شكرا ليك انت يا درش على أجوبتك اللي صريحة شوية مش قوي ههههههههه لأ اجابات زي الفل مشكور يا حبي

على فكرة أنا جاوبت بصراحة اووووي كمان وأكتر من اللازم بس طول مانت حاطط في دماغك اني مش مجاوب بصراحة يبقى عمرك مهتصدق بس لو فيه اي حاجة ابقى قولي على الميل او لما اقابلك ايه اللي خلاك تقول كده

شكرا يادرش على اجاباتك بس انا نمس ليه دنا غلبااااااااااااان.... انا قولتلك هاسال اسئله قليله بس انا من وجهت نظرى مهمه

فى الاول يا جماعة انا ليا تعليق صغير او هو مش تعليق هو نقد للاسئلة
هى ليه معظمها بتتعلق بالحب وكده يعنى؟ مش لازم عشان الواحد ع كرسى الاعتراف يتسأل عن اللى بيحبها او شكلها
بعد كده بقى احب اسال مصطفى بضعة اسئلة بس يا رب ينجح فيها ويجاوب عليها كلها ومن غير لف ولا دوران
1/مين هو الصاحب اللى انت ندمت بعد ما سبته؟وليه ندمت عليه؟
2/ليه مارجعتش للى انت كنت بتحبها اما انت لسه بتحبها؟
3/مين اكتر واحد بتستتقل دمه وبتتغاظ منه؟
4/اما انت قولت (انا بحب الرسول)ليه بتخالفه ف بعض الحاجات؟
5/انت ليه بتستخدم الخبث ساعات مع بعض اصحابك؟
6/مين اكتر انسان انت عارفه لو راح منك مش هتزعل عليه؟
7/مين اكتر واحد بتعزه من اصحابك؟(لازم واحد بس)ماشى؟
8/بتحب ماممتكك اكتر ولا باباك؟
9/ايه اكتر حاجة بتحبها؟
10/ايه هو معنى الرجولة بالنسبالك؟
يالا كفاية كده ولو افتكرت حاجة تانى هبقى اقولك
الله معــــــــــــــــــــــــــــــــــــــــــــــــــــــــــــــــــــــــــك

شكرا يامصطفى على الاجابه

وان اء الله اكمل اسئله

تقبل مروري

اوكي يا آلاء تحت أمرك اسالي وانا أجاوب

وأنا هجاوب دلوقتي على أسئلة عمر اللي شكلها كده مش ظريفة بس أحب اقوله في الول حلوة يا عمر الحتة بتاع بضعة أسئلة دي المهم ندخل بقى في الإجابات وهجاوب عليها كلها من غير ولا دوران


1/مين هو الصاحب اللى انت ندمت بعد ما سبته؟وليه ندمت عليه
أنا مكنتش فاهم السؤال بس بعد اما سالتك فهمتني أنت قصدك اني خاصمت واحد وبعد اما خاصمته ندمت اني عرفته اعتقد ان ده اكيد حصل معايا بس تقريبا وانا صغير بس اللي بيحصل معايا اكتر اني الاقي واحد صاحبي كنت احسبه راجل معايا وهو مش كده بس والله يا عمر بجد انا مش فاكر اسماء خالص بس لو فيه هيبقى من ايام الصغر والطفولة فيمكن انت متعرفهوش لو افتكرت هبقى اقولك

2/ليه مارجعتش للى انت كنت بتحبها اما انت لسه بتحبها؟
سؤال كويس جدا ويدل انك قاري ردودي قبل متكتب الاسئلة بص يا عمر انا وهي كنا بنحب بعض وكنا كويسين مع بعض اكتر ماتتخيل انت او غيرك وكنا فعلا قمة العقل في المعاملة وكده بس اخر فترة مع بعض كانت كلها مشاكل بمعنى الكلمة مفيش يوم يعدي من غير منتخانق فانا اضايقت اوي وقررت اني أسيبها عشان منخسرش بعض اكتر من كده بس للعلم بس انا حاطط في دماغي اني هرجعلها لثقتي الكاملة انها مش هتكلم اي حد بعدي لانها كانت بتحبني اوي ولثقتي اني مش هلاقي غيرها واننا لايقين على بعض اوي بس هتسال وتقول مانت قلت انك كلمت بعدها هقولك خد بالك اني قلت مصلحة لاصحابي وبعدين انا لما افهمها كده هي هتتقبل الموضوع ومش هتقول حاجة لاننا سايبين بعض بس واثقين من حبنا لبعض وواثقين اننا هنرجع تاني

3/مين اكتر واحد بتستتقل دمه وبتتغاظ منه؟
ههههههههه سؤال مش منك انت يا عمر ده كنت ممكن تسالني بره المنتدى سوري انا جاوبت على كل الاسئلة اللي ممكن اجاوب عليها بس اجاوب على سؤال ممكن يزعل واحد مني لا انا اروح اقولهاله في وشه بس مش اصيحله عشان ممكن ناس تانية تكرهه

4/اما انت قولت (انا بحب الرسول)ليه بتخالفه ف بعض الحاجات؟
هجاوبك إجابة بسيطة كلنا بنحب الرسول مش انا لوحدي ولا انت عندك اعتراض بس انا على الاقل بحاول اني لو بخالفه في حاجات اني ابطل مش ادور على حاجات تانية اخالفه فيها عرفت اجاوب مش كده

5/انت ليه بتستخدم الخبث ساعات مع بعض اصحابك؟
أنا مستغرب من السؤال بس هرد عليه بص يا عمر انا الحمد لله ربنا عاطيني عقل حلو اقدر افكر بيه وأنا مش عبيط يعني لو واحد خبث علي مأنا لازم اخبث عليه وأوريله انه مش أذكي مني بس واحد كويس اتعامل معايا راجل هخبث عليه ليه مهو لازم اتعامل مع كل واحد بالطريقة اللي تمشي معاه وفعلا انا منكرش اني بستخدم الخبث مع ناس بس لازم يتوفر فيه شرطين اول حاجة يكون خبث علي بدل المرة اتنين تانيهم اني اكون مش بحبه يعني لو بحبه وخبث علي مش هخبث معاه الا بقى لو زودها وده حصل مع واحد بس تقدر تقول اني بتعامل مع الناس بسياسة مش بخبث والحمد لله مش بطل عيل مع حد لو في اي حد استرجل معايا بشيله على دماغي من فوق وعمري مخبث معاه وانت اكبر مثال يا عمر لو انا خبثت معاك قبل كده قول بس برضه انا بنفض في موضوع الخبث ده وتقريبا مش بعمله الا مع الناس اللي ماليش علاقة بيهم اوووووووي وانت صاحبي وبتمشي معايا كتير واكيد عارف انا بخبث مع مين وليه وعارف اني معايا حق وهو اللي اضطرني اعمل كده

6/مين اكتر انسان انت عارفه لو راح منك مش هتزعل عليه؟
انا مدام عاشرت حد واتكلمت معاه حتى لو مش صاحبي اوي وراح مني اكيد هزعل عليه يمكن اكتر حاجة بتميزني وصفة حلوة بحبها في اني بحب الخير لغيري بس يمكن الناس مش ملاحظة دي في الناس مش بيلاحظوا غير الوحش بس

7/مين اكتر واحد بتعزه من اصحابك؟(لازم واحد بس)ماشى؟
اوكي هجاوبك واحد بس يبقى معتز شعبان بس مش لله في الله شفته حبيته أنا معتز عمل معايا اللي معملهوش اي واحد في الدنيا يكفي انه لما اقوله انا زعلان بحس انه زعلان لزعلي اكتر مني يا جماعة بجد انا دورت على صاحب زي معتز ملقتش اكيد انتوا مستغربين اني بقول كده عن معتز بس والله معتز ده ارجل واحد صاحبته واكتر واحد بحبه في اصحابي كلهم بدون منافسة كمان انا عارف معتز بيحبني اد ايه وهو بيسترجل معايا انا بس لوحدي وانا والله الواد ده بحبه جدا جدااااااااااااااااا وهو بجد الوحيد اللي اقدر اقول عليه رب أخ لم تلده أمي
المركز التاني بقى يجي فيه 3 في نفس الحب والله/عمر عبد الرحمن - مصطفى مأمون - محمد حماد
كمان بحب الشلة اللي ببقى معاها كل يوم دي اوووووي بس مش زي الاربعة دول بصراحة بس انا بحب اللي يسترجل معايا اوووووي واكيد هيطلع مركز حبه في قلبي بس عمره مهيعدي معتز شعبان ابدا
كفاية اقدر اقول ان معتز ده الوحيد من اصحابي اللي هيفضلني على البنت اللي بيكلمها مع انه بيحبها اووووي اوووووووي هو بصراحة ليه مواقف تزعل واحيانا بضايق منه بس يفضل معتز السوبر في قلبي من غير منافس

8/بتحب ماممتكك اكتر ولا باباك؟
كل واحد فينا بيحب باباه ومامته بس انا بحب مامتي اكتر من بابايا وهو عارف كده وبقولها ادامه عادي ومامتي اغلى شخص على في الدنيا

9/ايه اكتر حاجة بتحبها؟
أحب أحس اني نجحت في حاجة كنت عايز اوصلها وقدرت اوصل لهدفي بتوفيق ربنا طبعا

10/ايه هو معنى الرجولة بالنسبالك؟
الكلمة دي ليها معنى كبير بس هلخصها في جملة واحدة أن تعامل الناس بمثل ما تحب ان يعاملوك به بس فيه شرط ان متستناش الشكر من حد انت بتعمل كده عشان ربنا واكيد محدش يعني بيبقى راجل في تصرفاته مية مية بس الحمد لله انا بحاول احسن من نفسي والحمد لله بقيت احسن من زمان اوووووي وقدرت استغل عقلي في تغير حاجات كتير وحشة في شخصيتي وواثق اني هبقى احسن في المستقبل



فعلا أسئلة متجيش غير من عمر وأنا لاحظت ان كل واحد فيكم من اصحابي اللي يعرفوني بيسال عشان يوصل لهدف مش لمجرد السؤال مكنتش اعرف ان الناس مستنية تسالني للدرجة دي بس عادي لو حد جه سالني بيني وبينه هقوله ويمكن هقوله بوضوح اكتر عن اللي في المنتدى وميرسي يا عمر على اسئلتك وانا تحت امرك يا معلم في اي اسئلة تانية انت واللي يحب

ماشى يا عم مصطفى مع انى عارف انك ماجوبتش بصراحة ف بعض الاسئلة بس معلش بلاش بقى احراج اكتر من كده
وشكرا برده ع الاجابات دى

إحراج مين يا عم عمر على فكرة انا جاوبت بصراحة بس انت اللي عامل نفسك ناصح

بالنسبة لعمرو سوري اني اخرت في الرد وهحاول اني مأكررش الاجابات تاني



هل أنت من الأشخاص اللذين يحبون بسرعة؟
معتقدش
2. هل تحب الشخص على شكله أو شخصيته أو الاثنين معا؟
أكيد طبعا شخصيته اعمل ايه بشكله
3. هل من الممكن أن تحب أو تعجب بأكثر من شخص في نفس الوقت؟
إعجاب ايوة بالنسبة للرجالة او الستات انما الحب يبقى لواحدة بس
4. هل حدث و أن وقعت بالحب من النظرة الأولى؟
اه حصل
5. يضطر الإنسان إلى الكذب أحيانا و لكن هل تضطر للكذب على
الشخص الذي تحبه ؟
أيوة طبعا عشان اتجنب اني اطلع سر لحد انما اكدب عليه في حاجة تخصني مش بتحصل
6. هل سبق و أن أحببت شخصا و الآن تركته ولكن قلبك لازال يحبه
وماذا تفعل إذا التقيت به صدفة؟
لو كنت قريت الاجابات اللي قبل كده كنت هتعرف بس هقول تاني اه حصل ولو شفته صدفة ممكن ابص او لا بس اعتقد اني هبص
7. هل تؤمن من أن الحب الحقيقي يستمر كل العمر؟
أكيد طبعا والا مش هيبقى حقيقي لانه هيجدد نفسه كل فترة
8. هل من الممكن أن تقدم حياتك كلها فداء للحبيب؟
لو يستحق اه وهو كمان يضحي عشاني انما مش يستحق يبقى لا طبعا